النصف هو حياه لم تعشها…

“لا تجالس أنصاف العشاق، ولا تصادق أنصاف الأصدقاء، لا تقرأ لأنصاف الموهوبين،لا تعش نصف حياة، ولا تمت نصف موت،لا تختر نصف حل، ولا تقف في منتصف الحقيقة، لا تحلم نصف حلم، ولا تتعلق بنصف أمل، إذا صمتّ.. فاصمت حتى النهاية، وإذا تكلمت.. فتكلّم حتى النهاية، لا تصمت كي تتكلم، ولا تتكلم كي تصمت.

إذا رضيت فعبّر عن رضاك، لا تصطنع نصف رضا، وإذا رفضت.. فعبّر عن رفضك،
لأن نصف الرفض قبول.. النصف هو حياة لم تعشها، وهو كلمة لم تقلها،وهو ابتسامة أجّلتها، وهو حب لم تصل إليه، وهو صداقة لم تعرفها.. النصف هو ما يجعلك غريباً عن أقرب الناس إليك، وهو ما يجعل أقرب الناس إليك غرباء عنك.
النصف هو أن تصل وأن لا تصل، أن تعمل وأن لا تعمل،أن تغيب وأن تحضر.. النصف هو أنت، عندما لا تكون أنت.. لأنك لم تعرف من أنت، النصف هو أن لا تعرف من أنت.. ومن تحب ليس نصفك الآخر.. هو أنت في مكان آخر في الوقت نفسه.
نصف شربة لن تروي ظمأك، ونصف وجبة لن تشبع جوعك، نصف طريق لن يوصلك إلى أي مكان، ونصف فكرة لن تعطي لك نتيجة النصف هو لحظة عجزك وأنت لست بعاجز.. لأنك لست نصف إنسان.
أنت إنسان وجدت كي تعيش الحياة، وليس كي تعيش نصف حياة ليست حقيقة الإنسان بما يظهره لك.. بل بما لا يستطيع أن يظهره، لذلك.. إذا أردت أن تعرفه فلا تصغي إلى ما يقوله .. بل إلى ما لا يقوله.”

ساعات بابقى مؤمنة بكل كلمة قالها جبران خليل جبران هنا..

وساعات باقول خير الأمور الوسط، ولازم يبقى فيه توازن و

compromises

كتير عشان الحياه تمشي

ولا يمكن دة كلام بنقوله لنفسنا عشان منطالبش بكل حاجة نتمناها ومنحاربش كفاية عشان شاكّين من جوانا اننا مش هنوصل؟

انا مش عارفة اوصل لإجابة للسؤال دة.

كل يوم فيه الف سؤال وفيه معافرة مستمرة عشان نفضل نحب الحياه.. عشان منطلّعش نص نفَّس ومنحلمش نص حلم ومنحبّش نص حب

عشان نرجع نحاول نحلم.. عشان نرجع نثق في نفسنا بعد ما انكسرنا

كل يوم بحاول افتكر اننا

14705080_1344855705576549_1714371170117091328_n
محمود درويش
Advertisements

وجع دماغ يومي

بابتسم من كتر حبي للعالم
بابتسم من كتر خوف وعيت عليه
في محاولة مستميتة للرجوع للكتابة (بالعربي بالذات) بما انها كانت من أكثر الطرق المفضّلة لي ف التعبير عن النفس، قررت أرجع أكتب بشكل اسبوعي كنوع من التأمل الذاتي الارتجالي لحد ما ادخل على ربع قرن+١ في هذا العالم كمان شهر.
 الحياه بقت محاولة يومية في النجاه من اتخاذ قرارات مصيرية والاستمتاع بالانفاس اللي بتخرج ومبترجعش.
٢٠١٧ كانت السنة اللي بارجع فيها لروحي.. السنة اللي باسمح لكل الوجع انه يخرج عشان ارجع اتنفّس تاني
وكان لازم عشان دة يحصل اني اسمح تاني لنفسي اكون
empathetic
 مع العالم واسمح لكل اوجاع العالم انها تتسرسب جوايا واحسّ بيها
من غير ما احس بالخزي من حساسيتي المفرطة اللي طول عمري بحارب معاها
ساعات كتير بالوم نفسي اني وعيت على قبح الدنيا من بدري… كان نفسي اعيش حياه ابسط تقتصر على وجع الحياه اليومية الفردية فقط. يمكن ف يوم هاقدّر الهبة دي اكتر، لكن لما يسألوني ازاي كنتي بتبصّي لهبة ال
empathy
في سن ال ٢٥؟
هقولهم كنت بابصلها انها لعنة ومستعدة اتخلّص منها في معظم الاوقات.
احنا حالياً بنحارب اكتر من حربنا وقت الثورة مع الفساد والبطش والظلم… احنا كل يوم بنحارب اننا نفضل نحب الحياه واحنا بنشوف حلمنا اللي كان طاير واتضرب بالنار ف الهوا.. وبقاله سنين بيقع بالتصوير البطئ.
كل يوم فيه حرب شخصية جداً وانسانية جداً عشان تفكّر نفسك ان الحياه لسه فيها أمل وحب وأحلام
مش سهل ترجع تحلم وتأمل تاني بعد ما اكبر ايمان وحلم ليك وقع
ومش بسيطة كل المحاولات ان يفضل عندك انسانية ومساحة حرية وسط كل هذا القدر من النفاق والسطحية والسماجة

و لسه الحب نبراسي و ف راسي لكنه خجول
و بسمه صغيره تحاول تفك الاسر

لسه عندي أمل ان الحب يكون الأمل في النجاه… عندي أمل تجاوز كل الكسوف من ايماني ببعض كليشيهات الرومانسية والثقة
المفرطة والساذجة في الناس
علفكرة، لسه باتعاطف مع ابطال السوبر هيروز في x-men و hunger games و The Dark Knight trilogy
وببقى فاهمة ليه بيحاولوا يتجنبوا الوجع بشتّى الطرق قبل ما يقرروا ياخدوا الخطوة
في يوم من الايام كنت مؤمنة ان كل واحد فينا سوبر هيرو، ويقدر يحقق اي حاجة
بس هما كسبوا لما اتزرع ف نفسي الخوف، وقررت ان مفيش حاجة تستاهل اقايض روحي بيها

Continue reading “وجع دماغ يومي”

عبالي.. :) #موسيقى

Sorry Lemonada that I used your title. I swear it’s not intended to be one of like ! 😀

Not gonna lie to you. It’s a bit confusing when trying to get up again on your feet. You will need first to figure out who you were before… In an attempt to restore a sense of who I was and what used to make me happy, I decided to browse my music lists!

Hope you enjoy it as much as I’m doing now. 🙂

 

 

 

 

 

 

tumblr_o1mjuisYEv1rz474ko1_500
“Inception” (2010)

 

 

ما تتركني هيك – If you go away

 

ما تتركني هيك
عم فتش عليك
بأسفل كل الكاس
وبين تخوت الناس
بتوهم وجك
بنادي اسمك
كأنه موشوم
عشفايفي بسموم
مزجها عفريت
بحبر مميت
ما إله دوا 
خيبة الهوى 
ما تتركني هيك
حبيبي خليك
وبيحلى السمر
منشرب القمر
ونوره بيرويك
بقتفلك النجوم
بركبها عتاج
ببنيلنا ملاذ
وراء الغيوم
إذا بتهجر
خد وعيي معك
أحلامي معك
وتركني بالمر
ما تتركني هيك ما تتركني هيك ما تتركني هيك ما تتركني هيك

If you go away on a summer day
Then you might as well take the sun away
All the birds that flew in the summer sky

When our love was new and our hearts were high
When the day was young and the night was long
And the moon stood still for the night birds song

If you go away, if you go away

But if you stay, I’ll make you a day
Like no day has been, or will be again
We’ll sail on the sun, we’ll ride on the rain

We’ll talk to the trees and worship the wind
Then if you go, I’ll understand
Leave me just enough love to hold my hand

If you go away, if you go away

If you go away, as I know you must
There’ll be nothing left in the world to trust
Just an empty room, full of empty space

Like the empty look I see on your face
I’d have been the shadow of your dog
If it might have kept me by your side

If you go away, if you go away

18 مايو – شئ سخيف

بقالي فترة مكتبتش حاجة بالعربي… في الحقيقة، انا بحاول بشكل مستمر ارجع اكتب رغم اني في نفس الوقت مش عايزة اكتب.

ليه؟ عشان لما بارجع اقرا اللي بكتبه بيضايقني.. هيفيد بإيه اقعد اكتب ف كلام محبط وحزين وسوداوي..

في البلوج القديم كنت بكتب بغرض التوثيق أكتر من أي هدف تاني. كنت حابة اسجّل افكاري وتطور شخصيتي ف وقت معين كنت شايفاه تاريخي وحيوي بالنسبالي وبالنسبالنا كلنا.

دلوقتي هكتب عن ايه؟

Continue reading “18 مايو – شئ سخيف”