مش محور الكون

..وانا راجعة ف الطريق.. سرحانة بره الشباك ومشغّلة البلاي ليست بتاعتي

وفكّرت اني عايزة اكتب لما ارجع…

بس اكتب ايه؟

انا مبقتش متأكدة انا بكتب ليه.

بطلت اكتب كتدوين للواقع بتاعي ف اللحظة.. يمكن لإني مبقتش حاسة بأهمية اللحظات الحالية زي زمان. مش فاكرة امتى حسّيت بمدى قدسية وأهمية اللحظة الحالية واني لازم ادوّنها فوراً

عماد ابو صالح قال انه بيكره الكتابة واداها تشبيه عنيف شوية

أنظر للذين يتكلمون عن متعة الكتابة وأضحك. جارسيا ماركيز يقول: أكتب ليحبني أصدقائي أكثر”. لورانس داريل يقول: “لكي أحقق ذاتي”. آلان جوفروا يقول: “لندافع عن أنفسنا على هذه الأرض البيضاء”. ويقول الحكيم الفرعوني: “ليبقى اسمك في فم الناس”.

لا.

أنا …لا أكتب لأشياء من هذه. الكتابة عندي الم. كأني أستفرغ أمعائي. نزيف متواصل. قلمي في الحبر، إصبعي في دمي. لم أختر الكتابة ابدًا برغبتي. شأن كل شيء في عمري. عمري الذي ضاع نصفه دون أن أختار أي شيء برغبة مني.

زمان – مش من بعيد اوي يعني – علاقتي بالكتابة كانت علاقة اعتزاز وثقة. كنت بكتب عشان عندي قدرة اني اعبّر عن افكاري واحساسي بدقة. كنت باحس ان دي حاجة انا شاطرة فيها وكنت دايماً باحس اني احسن بعد ما باكتب.

 دلوقتي عندي طاقة غضب.. كنت مخبيّاها بعناية، بكل ما في قوّتي كنت بسيطر عليها

غضب مستمر.. متزايد في حدته…

الكتابة مبقتش بتخمد ناره، ولا الاصدقاء، ولا الافلام او الحفلات او التمثيل او تجربة اي شئ جديد

حتى المزيكا.. بقت كإنها مخدّر مؤقت

أنا عارفة اسباب غضبي كويس، وعارفة اكتر ايه اللي مضايقني من نفسي ومخلّي موقفي ضعيف.

وعارفة ان ساعات كتير باتعب م المقاوحة.. وبابقى نفسي استسلم

snow-patrol---chasing-cars-1451914988-view-0
من فيديو كليب Chasing Cars اغنية فشيخة https://www.youtube.com/watch?v=GemKqzILV4w

اكتر حاجة بتضايقني وانا بدوّن افكاري السوداوية.. ان ساعات كتير باحس بالملل والتكرار..

هيّا نغمة واحدة يعني؟ موود عبلة كامل دة مش هيخلص؟

كان مالها يعني الbubble..

ما كانت حلوة ولطيفة

……..

بلاش كلام فارغ وعلوقية.. انتي عارفة كويس ان دة مش حقيقي، وأسوأ حاجة ف الدنيا بعد القلقاس والسبانخ والصحيان بدري والشغل ٦٠ كيلو بعيد عنك، هيا انك تكون بتحوّر على نفسك!


If I could find a way to see this straight
I’d run away
To some fortune that I, I should have found by now

I’m waiting for this cough syrup to come down, come down.

وبعدين يعني؟ ما هو يا إما ننهزم ونبطّل معافرة.. يا إما نخلص بقى بالكاف سيرب دة.

النصف هو حياه لم تعشها…

“لا تجالس أنصاف العشاق، ولا تصادق أنصاف الأصدقاء، لا تقرأ لأنصاف الموهوبين،لا تعش نصف حياة، ولا تمت نصف موت،لا تختر نصف حل، ولا تقف في منتصف الحقيقة، لا تحلم نصف حلم، ولا تتعلق بنصف أمل، إذا صمتّ.. فاصمت حتى النهاية، وإذا تكلمت.. فتكلّم حتى النهاية، لا تصمت كي تتكلم، ولا تتكلم كي تصمت.

إذا رضيت فعبّر عن رضاك، لا تصطنع نصف رضا، وإذا رفضت.. فعبّر عن رفضك،
لأن نصف الرفض قبول.. النصف هو حياة لم تعشها، وهو كلمة لم تقلها،وهو ابتسامة أجّلتها، وهو حب لم تصل إليه، وهو صداقة لم تعرفها.. النصف هو ما يجعلك غريباً عن أقرب الناس إليك، وهو ما يجعل أقرب الناس إليك غرباء عنك.
النصف هو أن تصل وأن لا تصل، أن تعمل وأن لا تعمل،أن تغيب وأن تحضر.. النصف هو أنت، عندما لا تكون أنت.. لأنك لم تعرف من أنت، النصف هو أن لا تعرف من أنت.. ومن تحب ليس نصفك الآخر.. هو أنت في مكان آخر في الوقت نفسه.
نصف شربة لن تروي ظمأك، ونصف وجبة لن تشبع جوعك، نصف طريق لن يوصلك إلى أي مكان، ونصف فكرة لن تعطي لك نتيجة النصف هو لحظة عجزك وأنت لست بعاجز.. لأنك لست نصف إنسان.
أنت إنسان وجدت كي تعيش الحياة، وليس كي تعيش نصف حياة ليست حقيقة الإنسان بما يظهره لك.. بل بما لا يستطيع أن يظهره، لذلك.. إذا أردت أن تعرفه فلا تصغي إلى ما يقوله .. بل إلى ما لا يقوله.”

ساعات بابقى مؤمنة بكل كلمة قالها جبران خليل جبران هنا..

وساعات باقول خير الأمور الوسط، ولازم يبقى فيه توازن و

compromises

كتير عشان الحياه تمشي

ولا يمكن دة كلام بنقوله لنفسنا عشان منطالبش بكل حاجة نتمناها ومنحاربش كفاية عشان شاكّين من جوانا اننا مش هنوصل؟

انا مش عارفة اوصل لإجابة للسؤال دة.

كل يوم فيه الف سؤال وفيه معافرة مستمرة عشان نفضل نحب الحياه.. عشان منطلّعش نص نفَّس ومنحلمش نص حلم ومنحبّش نص حب

عشان نرجع نحاول نحلم.. عشان نرجع نثق في نفسنا بعد ما انكسرنا

كل يوم بحاول افتكر اننا

14705080_1344855705576549_1714371170117091328_n
محمود درويش