داويني بشي حبّة لما أنزل

appropriate جوايا كلام كتير مكتوم عشان أفضل
جوايا وجع وصريخ مكبوت عشان ميبانش ضعفي

جوايا غضب
جوايا يأس وحيرة ومعركة من ضمن معارك كتير

ساعات باكسب وساعات باخسر

وساعات بسأل نفسي لامتى هفضل احارب
وايه اللي يحصل لو قررت انه كفاية؟

جوايا خوف من نفسي وخوف عليها
جوايا حُرقة على الناس وألم منهم

جوايا ثقة ف نفسي وانا لوحدي
وخوف من نفسي وانا لوحدي

أنا مش عارفة آخد قرار
أنا مش عايزة اتألم اكتر من كدة
ومش عايزة أتوقع ان حد يفهمني

أنا مش عايزة اسيب الدنيا قبل ما اسيب أثر
ومش واثقة ان الدنيا تستاهل كل الهلاّمانة دي

أنا معنديش هيبة للموت، ولا للحياة
طول عمري بحارب عشان الحرية
وكل ما اقرّب تجري بسرعة

كان نفسي أكون فنانة… ع الأقل يكون فيه مبرر لكل ده

لازم أبطّل أكون ريشة ف الهوا،

لازم أبطّل اتألم لوجع ناس تانية

** رسالة للجيلي فيش: يمكن معرفتنيش ولا عرفتك، لكن قرارك صحّا فيّا حاجات مكنتش عايزاها  تصحى. أنا آسفة، مش عارفة على ايه… بس آسفة اني اخدت من وجع اصحابك شوية

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s